Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin təşkilatçılığı, Azərbaycan Dövlət Mədəniyyət və İncəsənət Universitetinin və Beynəlxalq Muğam Mərkəzinin dəstəyi ilə 30 oktyabr 2024-cü il tarixində “Musiqinin cəmiyyətdə rolu” mövzusunda elmi-praktiki seminar keçiriləcək.

Beynəlxalq Muğam Mərkəzində nəzərdə tutulan seminarın əsas məqsədi musiqinin cəmiyyətdə rolu, insanların bədii zövqünün formalaşmasına təsiri  məsələlərinə dair tədqiqatların aparılması və təbliğat işinə diqqətin artırılmasıdır.

Elmi seminarda mövzu ətrafında mütəxəssislərin çıxışı və musiqi proqramı planlaşdırılıb. Tədbirin moderatoru sənətşünaslıq üzrə fəlsəfə doktoru, Əməkdar mədəniyyət işçisi Səadət Təhmirazqızıdır.

Seminarda tamaşaçı qismində iştirak sərbəstdir.