Xalq teatrarının postpandemiya dövründə fəaliyyətinin təşkili prosesi ilə tanışlıq və ehtiyaclarının öyrənilməsi məqsədilə cari ilin iş planına uyğun olaraq, Mərkəz tərəfindən silsilə zona müşavirələri təşkil olunur.
Bugünə kimi İsmayıllı və Şabran rayonlarında ümumilikdə 4 regional mədəniyyət idarəsinin tabeliyində fəaliyyət göstərən mədəniyyət müəssisələrinin nəzdində yaradılmış 15-dək xalq teatrlarının nümayəndələri ilə görüşlər keçirilməişdir. Növbəti zona müşavirəsində Yevlax şəhərində Bərdə, Ağdaş və Kürdəmir regional idarələrinin sistemində fəaliyyət göstərən Bəşir Səfəroğlu adına Xalq Teatrı, Kukla Xalq Teatrı (Yevlax), Ağdaş Xalq Teatrı, Göyçay Xalq Tatrı, Beyləqan “Gənclik” Xalq Teatrı, Füzuli Xalq Teatrının nümayəndələrinin iştirakı nəzərdə tutulur.