Kiçik çanaqdan və uzun qoldan ibarət olan Şirvan tənburunun çanağı tut, armud, qolu və kəlləsi qoz, üzü isə tut və yaxud şam ağaclarından hazırlanır.

 

İki simli musiqi aləti olan Şirvan tənburu barmaqla ifa edilir.

Yazılı mənbələrdə Şirvan tənburu adı ilə qeyd olunan musiqi aləti təbrizlilər tərəfindən çox sevildiyi üçün sonralar "Şirvan-Təbriz tənburu" kimi də adlandırılmışdır.

 

Klassiklərin yaradıcılığında və miniatür sənət əsərlərində rast gəldiyimiz tənbur Məhəmməd Füzulinin "Yeddi cam" poemasında geniş təsvir edilib.