Həm simli, həm də zərb musiqi aləti sayılan səntur Azərbaycanda XIX əsrə qədər istifadə olunub. Çərçivədən, üst və alt taxta qapaqlardan ibarət olan musiqi aləti xarici görünüş baxımından trapesiya şəkilli taxta qutunu xatırladır.
Yatıq sazlar ailəsinə mənsub olan sənturun ən qədim növü Şumer mədəniyyətinə qədər gedib çatmışdır.
Bəhs edilən musiqi alətinin nümunələrinə Tuva, Xakas xalqları arasında rast gəlinir.
Avropalılar sənturu “dulçimer” adlandırırlar. Səfiəddin Urməvinin "Kitab əl-ədvar" əsərinə qədər alətin təsviri barədə məlumata rast gəlinmir.
