Eyni zamanda, tədbir çəçivəsində “Tarixi yazmış bir tale” adlı videotəqdimatlardan ibarət onlayn respublika müsabiqəsinə yekun vurulmuşdur və qaliblər Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi tərəfindən mükafatlandırılmışdır.

Müsabiqənin yekunlarına əsasən qaliblərin üçü münsiflər heyətinin rəyi əsasında, digər üç qalib isə videoçarxın “Facebook” sosial şəbəkəsində bəyənmə və paylaşma sayına görə müəyyənləşdirilmişdir. Qaliblər – Mürsəliyeva Bahar Hüseynağa qızı (Lerik rayon Heydər Əliyev Mərkəzi), Abdulhüseynova Gülay Mübariz qızı (Neftçala rayon Heydər Əliyev Mərkəzi), Ramazanova Nuranə Elman qızı (Zaqatala rayon Heydər Əliyev Mərkəzi), Mehdiyeva Leyla Rəcəb qızı (Sabirabad rayon Heydər Əliyev Mərkəzi), Cəfərova Zeynəb Vidadi qızı (Şəki şəhər Heydər Əliyev Mərkəzi), Bağırlı Aysel Mehdi qızı (Xızı rayon Heydər Əliyev Mərkəzi) diplomlarla, digər iştirakçılar isə həvəsləndirici sertifikatlarla təltif olunmuşlar.

Eyni zamanda tədbir çərçivəsində Yasamal rayon Heydər Əliyev Mərkəzinin direktoruna təşəkkürnamə və hədiyyələr təqdim olunmuş, sonda qalib gələn iştirakçıların videoçarxlarının təqdimatı keçirilmişdir.

Qeyd edək ki, tədbir xüsusi karantin rejiminin tələblərinə ciddi riayət olunmaqla təşkil edilmişdir.