Azərbaycan Respublikasının Mədəniyyət Nazirliyi və Azərbaycan Respublikasının Gənclər Fondu "GəncApp" mobil tətbiqi üzərindən “Sirlər xəzinəsi” adlı intellektual müsabiqəyə start verir.
Müsabiqəyə 16-29 yaş arasında bütün gənclər qatıla bilərlər.
İlk müsabiqə 17-21 mart tarixlərini əhatə edir. Bu müddətdə hər gün GəncApp mobil tətbiqi vasitəsilə iştirakçılara 1 sual-bildiriş göndəriləcək. Müsabiqənin yekununda ən çox xal toplayan 3 gənc qalib seçilərək mükafatlandırılacaq.
Müsabiqədə iştirak etmək üçün "GəncApp" mobil tətbiqini həm Android, həm də iOS əməliyyat sistemli mobil telefonlar üçün yükləyə bilərsiniz.
Qaliblərimizi dəyərli hədiyyələr gözləyir!
