“Kitabi-Dədə Qorqud” dastanı qalanın xatırlandığı ən qədim mənbədir. Bundan başqa tarixçilərdən Nəsəvi (XIII əsr), Şərafəddin Əli Yəzdi (XV əsr), türk səyyahı Övliya Çələbi (XVII əsr) və başqaları Əlincə qalası haqqında məlumat veriblər.

Əlincə qalasına 600-ə qədər döyüşçünü öz atı və başqa sursatı ilə birlikdə yerləşdirmək mümkün idi. Qalanın adı mübarizlik rəmzi kimi hallanır. Çünki Əmir Teymur bu qalanı 14 il ərzində döyüşlə ələ keçirə bilməmişdi.