Mühüm ticarət-karvan yolu üstündə yerləşən Aza körpüsü Böyük İpək yolu ilə şərqdən qərbə və əksinə hərəkət edən ticarət karvanlarının işini asanlaşdırmaq üçün Səfəvi hökmdarı I Şah Abbasın zamanında inşa edilmişdir.

XVII əsrə aid edilən körpü qırmızımtıl rəngli yonulmuş yerli dağ daşından inşa edilmişdir. Darkənd və Aza kəndlərini birləşdirən Aza körpüsünün qərb tərəfini güclü sel dağıtdıqdan sonra körpü 1997-ci ildə əsaslı şəkildə bərpa olunmuşdur.