Mərkəzin 2021-ci ilin ikinci yarımili üçün nəzərdə tutulan İş planına əsasən təşkil edilmiş vebinarın keçirilməsində əsas məqsəd musiqi elminin müxtəlif illərdə inkişaf mərhələlərinə nəzər salmaq, musiqinin insan beyninə təsiri ilə yanaşı, həmçinin onun bilavasitə insan təfəkkürünün formalalaşmasında önəmli rolundan bəhs edilərək bu və ya digər məsələlərə aydınlıq gətirməkdən ibarətdir.

 

Sözügedən vebinarda Azərbaycan Milli Konservatoriyasının professoru, sənətşünaslıq üzrə elmlər doktoru Abbasqulu Nəcəfzadə “Musiqişünaslıqda elmi araşdırmaların rolu”, Azərbaycan Milli Konservatoriyasının nəzdində Sumqayıt Musiqi Kollecinin direktoru, sənətşünaslıq üzrə fəlsəfə doktoru, dosent Səbinə Mehdiyeva “Musiqinin insan beyninə təsiri və ifaçıda abstrakt təfəkkürün formalaşması”, Ali Rıza Özkan (Türkiyə) “Türkiye’de müziğin dönüşümü - Halk müziğinden modern müziğe”, eyni zamanda tədbirdə “Musiqi elmində bəstəkar yaradıcılığının araşdırılması”, “Nizami və musiqi”, “Azərbaycan musiqi elmində səslərin möcüzəsi”, “Uşaq Musiqi Məktəblərində Azərbaycan musiqisinin tədrisi” kimi mövzularda da çıxışlar olmuşdur.

 

Vebinarda dəvət olunan mütəxəssislərlə yanaşı Azərbaycan Respublikasında fəaliyyət göstərən bədii təhsil müəssisələrinin rəhbərləri və müəllim heyəti iştirak etmişlər.