Ölçüsünə görə cürə, qoltuq və ana saz kimi növləri olan musiqi aləti əvvəllər 6-7, sonralar 8-9 simdən ibarət olub.

Müxtəlif xalqların dilində "bağlama", "çoğur", "çunğur", "buzuki" adlanan saz ona oxşar alətlərdən çalğı texnikasına, səsyayımına və akustikasına görə seçilir.

Cahangir Cahangirovun "Aşıq Alı" kantatası, Qara Qarayevin "Aşıqsayağı" simfonik transkripsiyası, Süleyman Ələsgərovun “Aşıqvari”, Üzeyir Hacıbəylinin “Koroğlu” operasında “Aşıq mahnısı” əsərləri saz partiyalarına malikdir.

Müxtəlif məktəblərdən ibarət olan aşıq sənəti Aşıq Ələsgər, Aşıq Alı, Sarı Aşıq, Ədalət Nəsibov, Aşıq Şəmşir və başqa ifaçılarla tanınır.