Sağanağı ağac və saxsıdan olub, keçi, dana, dəvə dərisindən düzələn nağara əlin bəm və zil zərbələri, həmçinin çırtma vasitəsi ilə ifa edilir.
Zərb alətlərinə aid olan nağaralar gövdə müxtəlifliyindən və ölçülərindən asılı olaraq, kos (koos, kus), dumbul, qoltuq, əl nağarası və ya sadəcə nağara, cürə, kiçik və ya bala nağara adlanır. Nağaranın bütün növləri quruluşca eynidir.
“Kitabi-Dədə Qorqud” dastanında nağara, dümbək və cürə nağara kimi alətlərin adlarına rast gəlirik.
