Şah İsmayıl Xətainin "Dəhnamə"sində təsvir edilən çoğur orta əsrlərdə geniş istifadə olunub. Zamanla unudulmağa məhkum olan musiqi aləti Məcnun Kərimov tərəfindən bərpa edilmişdir.
Qol və kəllə hissəsi qoz, aşıqları isə armud ağaclarından hazırlanan çoğurun çanağı üst hissədən 4 mm qalınlığında ağac üzlüklə örtülür.
"Cahanarayi Şah İsmayıl Səfəvi" salnaməsində və Əli Rza Yalçının “Cənubda türkmən çağları” əsərində çoğur barədə məlumat verilir. Mənbələrdə musiqi alətinin "çuxur", "çoğor", "çoğur" kimi adlarına da rast gəlinir.
