Hər bir əməkdaşın qanunun aliliyinə hörmətlə yanaşması, əmək münasibətlərinin düzgün qurulması, peşə etikasına riayət edilməsi olduqca vacibdir.
Belə ki, bu gün Mədəniyyət üzrə Elmi-Metodiki və İxtisasartırma Mərkəzi faydalı ola biləcək zəruri tədbir keçirilib. Azərbaycan Dövlət Mədəniyyət və İncəsənət Universitetinin Mədəniyyət tarixi və nəzəriyyəsi, Ünsiyyət mədəniyyəti fənləri üzrə müəllimi, Beynəlxalq əlaqələr üzrə mütəxəssis, Mədəniyyətşünas Samirə Məmmədova "Əmək kollektivində ünsiyyət mədəniyyəti" adlı təlimini diqqətə təqdim edib.
Zoom vasitəsi ilə baş tutmuş təlimdə Mərkəzin əməkdaşlarından Xaçmaz RMİ, Sabirabad RMİ, Gəncə və Şəki şəhər gənc mədəniyyət işçilərinin koordinasiya kreativ qrupunun üzvləru, Sumqayıt və Lənkəran şəhərlərində mədəniyyət mərkəzi və filiallarının işçiləri və s. iştirak etmişdir.