Daha sonra Sabirabad şəhər Üzeyir Hacıbəyli adına Uşaq Musiqi Məktəbində, Şirvan şəhər Uşaq Musiqi Məktəbində və Hacıqabul şəhər Uşaq Musiqi Məktəbində tədris prosesi ilə yaxından tanış olan Mərkəzin əməkdaşları tədris prosesi zamanı pedaqoji heyəti maraqlandıran sualları cavablandırmış və bədii təhsil müəssisələrinin fəaliyyətinin təkmilləşdirilməsinə dair təklifləri dinləmişlər.

Keçirilən tədbirlər çərçivəsində ADMİU-nin Musiqi sənəti fakültəsi, İnstrumental ifaçılıq kafedrasının müdiri, sənətşünaslıq üzrə fəlsəfə doktoru, dosent Səbinə Mehdiyevanın iştirakı ilə Şirvan şəhər Uşaq Musiqi Məktəbinin müəllimləri üçün ustad dərsləri keçirilmişdir.

Mədəniyyət üzrə Elmi-Metodiki və İxtisasartırma Mərkəzinin əməkdaşları, eyni zamanda Şirvan şəhər Heydər Əliyev Mərkəzində təşkil edilən, akademik Zərifə Əliyevanın anadan olmasının 98 illiyinə həsr olunmuş rəsm sərgisinin açılışında da iştirak ediblər.

Sözügedən tədbirlərin digər regional mədəniyyət idarələrinin tabeliyində fəaliyyət göstərən uşaq musiqi və incəsənət məktəblərində də davam etdirilməsi nəzərdə tutulur.