Rəngarəng, kiçik həndəsi ornamentli parça hissələrdən ibarət olan qurama bədii tikmə növüdür.
Nəsildən-nəslə ötürülən qurama ənənəsi əvvəllər parçaya qənaət məqsədilə istifadə olunmuş, daha sonra bədii sənətkarlıq növünə çevrilmişdir.
Keçmişdə xalça, süfrə və geyimlər quramadan hazırlanar, məişətdə, evlərin interyerində geniş istifadə edilərdi.
Qurama sənəti çətin olsa da, bir o qədər zövq tələb edən sənətdir. Çünki burada rənglərin uyğunluğu, parça hissələrinin düzgün yerləşdirilməsi mühüm rol oynayır.
