Dekorativ-tətbiqi sənət növlərindən birini olan qobelen süjetli xalça sənətidir. Xovsuz xalça növü olan qobelenin hazırlanma texnikasının əsasını öncədən çəkilmiş eskiz, fikir və ideya təşkil edir.
Qobeleni adi xalçadan fərqləndirən cəhət onun üzərində insanın hiss və duyğularının, təsəvvürlərinin, xəyallarının öz əksini tapmasıdır.
Qobelen gərəkli məişət əşyası olmaqla, kübarlığın rəmzi olaraq zəngin insanların evində, saraylarda istifadə edilən dekor vasitəsi, gözəllik bəxş edən sənət nümunəsi olmuşdur.
