Keçəçilik sənəti qədim sənət növlərindən biridir. Yayda sərinlik yaradan, qışda soyuqdan qoruyan keçə xalqımızın məişət və mədəniyyətində özünəməxsus rola malik olub.
Belə ki, “KitabiDədə Qorqud” dastanında alaçıqların keçədən tikilməsi, çobanların ondan yapıncı kimi istifadə etmələri, atların keçə ilə bəzədilməsi haqqında məlumat verilir.
XI əsrdə yaşamış Mahmud Kaşğarinin “Divani-lüğət-it-türk” əsərində də keçədən danışılır.
Ağ rəngli yundan hazırlanmış keçələr ən qiymətli keçə hesab olunsa da, qara və qəhvəyi rəngdə də keçələrə rast gəlinir.