Azərbaycanda qədim tarixə malik olan və geniş yayılan sənət növlərindən biri də həsirçilikdir. Həsir qamış, qarşı, dala, zıyalığ, pizə kimi müxtəlif bataqlıq bitkilərindən toxunulur.
Əsasən həsirlər iki növə bölünür: sadə və naxışlı həsirlər. "Şona", "əymə", "ləmləki", "güllülər" naxışlı həsirlərə aid edilir.
Həsir zənbillər, çantalar, saxsı qablar üçün tutacaqlar, asılqanlar bu gün də məişətdə geniş istifadə edilir.
Azərbaycanın cənub bölgəsi həsirçilik sənəti üzrə ixtisaslaşmışdır.
